Posts

Showing posts from May, 2016

दाहक दुष्काळात संवेदनांचा ओलावा

Image
राज्यातील व विशेषतः मराठवाड्यातील दुष्काळाची भीषण अवस्था दररोज वर्तमानपत्रातून वाचायला मिळत आहे. शेतकरी आत्महत्या, पिण्याच्या पाण्याची समस्या, जनावरांच्या चारयाचा प्रश्न, रोजगारासाठी शहराकडे वाढलेले विस्थापन या व अशा अनेक सामाजिक समस्या या दुष्काळाने निर्माण केल्या आहेत. माणुसकीची परीक्षा पाहण्यासच हा दुष्काळ आला आहे याची खात्री पटते.
दुष्काळाने निर्माण केलेल्या संकटाकडे पाहून समाजातील संपन्न वर्गात क्षणभर अस्वस्थता निर्माण करण्यापलीकडे फार काही होत नाही. प्रार्थना करणारे हात मदतीसाठी पुढे येत नाहीत असा साधारण समज असतो. मात्र या समजाला खोटे ठरवणारे शुभवर्तमान दुष्काळाच्या दाहकतेत संवेदनेच्या ओलाव्याच्या गारवा निर्माण करणारे आहे.